Գրիգոր Լուսավորչի խճանկարը Պամմակարիստոս եկեղեցում

Սուրբ Գրիգոր Լուսավորչի խճանկարը, 14-րդ դար։ Այն գտնվում է Կոստանդնուպոլսի Աստվածածին Պամմակարիստոս եկեղեցում։

Սուրբ Գրիգոր Լուսավորիչը Հայաստանի լուսավորիչն է և Ամենայն հայոց առաջին կաթողիկոսը։ Նա մկրտել է Հայոց Տրդատ III թագավորին և Աշխեն թագուհուն, որոնք դարձան պատմության մեջ առաջին քրիստոնյա կառավարիչները։ Աղբյուրի համաձայն՝ նա մկրտել է նաև Ալանիայի, Վրաստանի, Աբխազիայի և Կովկասյան Աղվանքի թագավորներին։

Խճանկարում սուրբը պատկերված է ոսկեգույն ֆոնով կլոր շրջանակում՝ մորուքով և լուսապսակով, ուսերին՝ սև խաչերով սպիտակ ժապավեն, ձեռքին՝ գիրք։ Երկու կողմերում հունարեն արձանագրություն է, որում կարդացվում են Գրիգոր անունը և Հայաստան բառը։ Շուրջը բուսական զարդանախշեր են։