Սուրբ Առաքելոց եկեղեցին Կարսում

Սուրբ Առաքելոց, կամ Տասներկու առաքյալների եկեղեցին Կարսի բերդի ստորոտին Հայ առաքելական եկեղեցու տաճար է, որը վերածվել է մզկիթի։ Կառուցվել է 10-րդ դարում Աբաս Ա Բագրատունի թագավորի օրոք (928–953), երբ Կարսը դարձել էր Հայաստանի մայրաքաղաք. այդ մասին գրում են 11-րդ դարի աղբյուրները։ Տաճարը կրկնում է Մաստարայի 7-րդ դարի Սուրբ Հովհաննես Մկրտիչ եկեղեցին։

1579 թ. սուլթան Մուստաֆա փաշան տաճարը վերածել է Քյումբեթ ջամի (գմբեթավոր մզկիթ) մզկիթի, որն այժմ մեծ իսլամական համալիրի մաս է. համալիրում է նաև Կարսի ամենամեծ մզկիթը՝ Էվլիյա մզկիթը։ Ենթադրվում է, որ 17-րդ դարում Էվլիյա Չելեբիի հիշատակած Սուլեյման էֆենդու մզկիթն իրականում հենց այս եկեղեցին է։

Լուսանկարում եկեղեցին է՝ կոնաձև գմբեթով, որի գագաթին խաչ կա, իսկ թմբուկին՝ քանդակներ։ Ձախում երևում է մինարեթ, պատերի մոտ կանգնած են մի քանի մարդ։