Զորահանդես Երևանում դաշնակիցների դրոշներով, 1919 թ.

1919 թվականի ապրիլի 30-ին Երևանում տեղի ունեցավ հանդիսավոր զորահանդես՝ նվիրված թուրք-թաթարական զավթիչներից Կարսի և Նախիջևանի ազատագրմանը, ինչպես նաև դաշնակիցների կողմից այդ երկու հայկական տարածքները ազատ, անկախ և ինքնիշխան Հայաստանի Հանրապետության անբաժանելի մաս ճանաչելուն։

Զորահանդեսին մասնակցում էին բրիտանական Սևծովյան կայազորի հրամանատար Ջորջ Միլնը և Արշավիր Շահխաթունին, որոնց հետևում էին հայկական հեծելազորի ձիավորները՝ ԱՄՆ-ի, Ֆրանսիայի և Մեծ Բրիտանիայի դրոշներով։ Շարասյունը Աբովյան փողոցով իջնում է մայրաքաղաքի կենտրոնական հրապարակ (այժմ՝ Հանրապետության հրապարակ)։ Աջ կողմում նախկին արական գիմնազիայի շենքն է, որն այժմ Առնո Բաբաջանյանի անվան համերգասրահն է։

Լուսանկարում երևում են դրոշներով ձիավորները, այդ թվում՝ ամերիկյան դրոշը, և փողոցում կանգնած մարդիկ։