Էսապովի «Արարատի աղավնի» պահածոների տուփ

Անդրկովկասում առաջին պահածոների գործարանը ստեղծել է Պետրոս Էսապովը Երևանում 1903 թվականին։ Նրա հայրը Արարատյան դաշտում ծիրանի և դեղձի այգիների տեր էր։ Միրգը պահպանելու խնդիրը լուծելու համար նա որդուն ուղարկեց Եվրոպա՝ պահածոյագործության նրբությունները սովորելու։

Արդեն 1907 թվականին «Արարատի աղավնի» ապրանքանիշով մրգային պահածոները Լոնդոնի միջազգային ցուցահանդեսում արժանացան բարձրագույն պարգևի՝ Գրան պրիի։ Խորհրդային տարիներին Էսապովը շարունակեց աշխատել իր նախկին գործարանում՝ որպես տեխնոլոգ։

Լուսանկարում ժանգոտած թիթեղյա տուփ է՝ կարմիր պիտակով։ Ռուսերեն մակագրություններում կարդացվում են Էսապովի անունը և «Էրիվան» բառը, պատկերված են մեդալներ՝ 1907 թվականով, իսկ աջ կողմում՝ սպիտակ աղավնի։