Նկարիչ Արշիլ Գորկի

Արշիլ Գորկին համարվում է 20-րդ դարի հայկական ծագմամբ ամենաազդեցիկ ամերիկացի նկարիչներից մեկը։ Նրա կտավները ցուցադրված են ԱՄՆ-ի բոլոր խոշոր պատկերասրահներում, ինչպես նաև Լոնդոնի «Թեյթ» պատկերասրահում։

Ծնվել է 1904 թվականին Վանի մոտ գտնվող Խորգոմ գյուղում։ 1915 թվականին՝ Հայոց ցեղասպանության ժամանակ, մոր և 3 քույրերի հետ փախել է Ռուսական Անդրկովկաս։ 1919 թվականին մայրը սովից մահացել է Երևանում, և 1920 թվականին Գորկին մեկնել է ԱՄՆ՝ հոր մոտ։ Նա վերցրել է «Արշիլ Գորկի» անունը՝ ակնարկելով իր սիրելի գրող Մաքսիմ Գորկուն։

Վերջին տարիները ողբերգական էին. այրվեց արվեստանոցը՝ աշխատանքների հետ միասին, հայտնաբերվեց քաղցկեղ, ավտովթարից հետո կոտրված ձեռքի պատճառով չէր կարողանում նկարել, կինը հեռացավ՝ վերցնելով երեխային։ 44 տարեկանում Գորկին ինքնասպան եղավ։

Լուսանկարում մորուքավոր տղամարդ է՝ այտը ձեռքին հենած։