Վարդգես Սուրենյանց, «Սալոմե»
«Սալոմե» կտավի հեղինակը Վարդգես Հակոբի Սուրենյանցն է՝ հայ գեղանկարիչ, գրաֆիկ, թատրոնի նկարիչ և արվեստի տեսաբան։ Նա 19-րդ դարի վերջի և 20-րդ դարի սկզբի հայ արվեստի խոշոր ներկայացուցիչների խմբի ավագն էր։ Ծնվել է 1860 թվականի փետրվարի 27-ին Վրաստանի Ախալցխա քաղաքում, մահացել 1921 թվականի ապրիլի 6-ին Յալթայում։
Նկարում պատկերված է կանգնած կին՝ ծաղկանախշ երկար զգեստով, ուսերին նախշազարդ շալ, գլխին՝ փոքր գլխարկ։ Հետին պլանում զարդանախշ պատ է, աջ կողմում՝ ոսկեգույն նախշերով մակերես։ Ներքևի ձախ անկյունում նկարչի ստորագրությունն է։
