Ղազարոսյան քույրերը, Բելմոնտ, 1949 թ.

Խարբերդցի Ղազարոսյան քույրերը փրկվել էին Ցեղասպանությունից և հանդիպել են երկար տարիներ անց։ Լուսանկարն արված է 1949 թվականին Բելմոնտում (Մասաչուսեթս)։

Մեջտեղում նստած է միանձնուհի Ջեննի դ՚Արկը (ծննդյան անունը՝ Մարիամ) Մարսելից (Ֆրանսիա)։ Լուսանկարում են նաև Թագուհի Ավագյանը Փրովիդենսից (Ռոդ Այլենդ) և Վարդեր Բաղդիկյանը Բելմոնտից (Մասաչուսեթս)։

Կողքի կանայք մուգ զգեստներով են, միանձնուհին՝ սպիտակ գլխածածկով, կրծքին՝ խաչ, ձեռքին՝ համրիչ։