Ջրանցքների համակարգը Էրեբունի ամրոցում
Էրեբունի ամրոցում հայ-ֆրանսիական համատեղ հնագիտական արշավախմբի հայտնաբերած ջրանցքների համակարգը։
Էրեբունին կառուցել է Ուրարտուի արքա Արգիշտի I-ը մ.թ.ա. 782 թվականին։ Երևանի անունը ծագում է Էրեբունիից, և այդ թվականն է համարվում մայրաքաղաքի հիմնադրման տարեթիվ։ Ամրոցի ավերակներն ու թանգարանը գտնվում են քաղաքի Էրեբունի վարչական շրջանում։ Ըստ լեզվաբանների՝ անունը նշանակում է «հաղթանակ», «գրավում»։ Ամրոցը Ուրարտուի խոշոր ռազմական կայազոր էր հյուսիսային սահմանին, իսկ Վանից հետո՝ երկրի երկրորդ խոշոր տնտեսական, քաղաքական և մշակութային կենտրոնը։ Պեղումներով բացվել են որմնանկարներով պալատ, գլխավոր աստված Խալդիի տաճար, բնակելի տներ և պահեստներ։
Լուսանկարում պեղված տարածքն է՝ քարե պատերով, աստիճաններով և քարերով եզերված առվով։
