Գյումրին վերևից

Գյումրին (մինչև 1840 թ.՝ Կումայրի, 1840–1924 թթ.՝ Ալեքսանդրապոլ, 1924–1991 թթ.՝ Լենինական) Հայաստանի երկրորդ խոշոր քաղաքն է, Շիրակի մարզի կենտրոնը։ Գտնվում է Երևանից 126 կմ հեռավորության վրա, Շիրակի սարահարթում, Ախուրյան գետից արևելք, ծովի մակարդակից 1550 մ բարձրության վրա։ Քաղաքը մեծ ավերածություններ կրեց 1988 թվականի դեկտեմբերի Սպիտակի երկրաշարժից։

Քաղաքում կա 5 եկեղեցի, 1 վանք և 1 ուղղափառ մատուռ։ Դրանցից ամենաշքեղը Ամենափրկիչ եկեղեցին է, որը կառուցվել է 1859–1873 թվականներին։ 19-րդ դարից Գյումրին կոչվել է բանաստեղծների և աշուղների, արհեստների ու արվեստների քաղաք, իսկ գյումրեցիները հայտնի են իրենց սուր հումորով։

Լուսանկարում վերևից երևում է կարմիր և սև քարով կառուցված եկեղեցի՝ կոնաձև ծածկերով, շուրջը՝ հրապարակներ, փողոցներ և քաղաքի թաղամասեր, իսկ հեռվում՝ լեռներ։