Հայ երեխաներ Կոստանդնուպոլսում, 1912

Լուսանկարն արվել է 1912 թվականին Օսմանյան կայսրության մայրաքաղաք Կոստանդնուպոլսում։ Պատկերված են հայ երեխաներ՝ իրենց ժամանակին բնորոշ նրբագեղ հագուստներով։

Լուսանկարչատանը, նկարազարդ ֆոնի առջև, երեք աղջիկ է՝ մուգ զգեստներով, մազերին ժապավեններ։ Նրանցից մեկը ձեռքին ծաղիկներով զամբյուղ է բռնել։

Ըստ աղբյուրի՝ այն ժամանակ Պոլսի հայ համայնքը հայտնի էր կրթական բարձր մակարդակով և եվրոպական ոճով, ինչն արտացոլված է նույնիսկ մանկական հագուստում։ Կոստանդնուպոլիսը հայ մշակույթի, գրականության և արվեստի կարևորագույն կենտրոններից էր։