Բազմաշենից գաղթած հայ ընտանիքը ԱՄՆ-ում, 1910

Լուսանկարն արվել է 1910 թվականին Ամերիկայի Միացյալ Նահանգներում։ Պատկերված է Արևմտյան Հայաստանի Բազմաշեն գյուղից գաղթած հայ ընտանիք։ Բազմաշենը գտնվում էր Խարբերդի նահանգում և հայտնի էր իր աշխատասեր ու կրթված բնակիչներով։

Կադրում 5 մարդ է՝ կոստյումներով և կլոր կոշտ գլխարկներով 2 նստած տղամարդ, նրանց մեջտեղում՝ սպիտակ զգեստով աղջնակ, իսկ հետևում կանգնած են երիտասարդ տղամարդ և փետուրներով զարդարված մեծ գլխարկով կին։

Այս լուսանկարը վկայում է այն հայերի մասին, ովքեր դեռևս Ցեղասպանությունից առաջ մեկնեցին օվկիանոսից այն կողմ՝ ավելի ապահով ապագա փնտրելով։ Այն պահպանվել է Քրեյգ Ուոլենի հավաքածուի շնորհիվ։