Մարի Բեդիկյանը՝ Մայր Հայաստանի կերպարով, 1916
1916 թվականին Նյու Յորքում՝ Սիլվեր Բեյում, Երիտասարդ կանանց քրիստոնեական ասոցիացիայի կազմակերպած մրցույթին հայ կանայք ներկայացել էին տարբեր կերպարների զգեստներով։ Ըստ աղբյուրի՝ լուսանկարում Մարի Բեդիկյանը մարմնավորում է Մայր Հայաստանին՝ հայրենիքից հեռու ապրող հայության ցավի, տոկունության և արժանապատվության խորհրդանիշը։
Լուսանկարում ինը կին է՝ քարերի վրա նստած և կանգնած։ Նրանց մեծ մասը սպիտակ երկար զգեստներով է, մի քանիսը՝ արևելյան ոճի հագուստով։ Կանանցից մեկը գլխին թագ ունի, կրծքին՝ «Հայաստան» գրությամբ ժապավեն։ Մյուսների ժապավեններին կարդացվում են ասոցիացիայի անգլերեն հապավումը և «Միսիոներ» բառը, իսկ ձեռքի ցուցանակին՝ «Օգնություն»։
Ըստ աղբյուրի՝ ցեղասպանության տարիներին նման միջոցառումները ոչ միայն մշակութային ինքնարտահայտում էին, այլև օգնության և համախմբման միջոց։
