«Հայկական սպա»․ Էժեն Լակոստի էսքիզը

Էսքիզը ներկայացնում է «Հայկական սպա» կերպարը՝ մեր թվարկության 2–3-րդ դարերի հայկական զինվորական հագուստի գեղարվեստական վերակազմությամբ։ Այն ստեղծել է ֆրանսիացի բեմանկարիչ Էժեն Լակոստը 1870-ական թվականներին Փարիզի օպերայի համար։

Պատկերված է կանգնած տղամարդ՝ բարձր, սրածայր գլխարկով, սպիտակ թիկնոցով, գոտիով կապած կարճ զգեստով և նախշազարդ գուլպաներով։ Կողքից կախված է պատյանով սուր։ Ներքևի ձախ անկյունում նկարչի ստորագրությունն է և 1878 թվականը, աջ անկյունում՝ ֆրանսերեն «Հայ սպա» մակագրությունը, ներքևում՝ օպերայի գրադարանի կնիքը։