Օսմանյան 1 լիրա թղթադրամ՝ հայերեն գրությամբ, 1889

Նկարում Օսմանյան կայսրության 1889 թվականի 1 լիրա թղթադրամն է։ Ըստ աղբյուրի՝ սա միակ օսմանյան թղթադրամն է, որի գրությունները կայսրության չորս հիմնական լեզուներով են՝ թուրքերեն, ֆրանսերեն, հայերեն և հունարեն։ Վերին ձախ անկյունում ընթեռնելի է «ՕՍՄԱՆԵԱՆ 1 ՈՍԿԻ» հայերեն գրությունը, մյուս անկյուններում նույն արժեքը նշված է այլ լեզուներով։ Թղթադրամի համարն է 040555։

Հայերենի առկայությունը վկայում է կայսրության տնտեսական և վարչական կյանքում հայերի նշանակալի դերի մասին։ Այդ ժամանակ 1 լիրան համարժեք էր մոտ 18,45 գերմանական մարկի կամ 3,7 ԱՄՆ դոլարի։ Ըստ աղբյուրի՝ թղթադրամի ստորին աջ մասում Օսմանյան կայսրության ֆինանսների նախարար Հակոբ Կազազյան փաշայի ստորագրությունն է։