Փողոցային տեսարան Կարինում (Էրզրում), փորագրանկար

Շառլ Բարբանի «Փողոցային տեսարան Էրզրումում» փորագրանկարը 1882 թ. տպագրվել է Ալֆրեդ Ռամբոյի «Ռուսաստանի հանրամատչելի պատմություն. հնագույն ժամանակներից մինչև 1880 թ.» գրքում։ Կարինը (Էրզրում) Հայկական լեռնաշխարհի հնագույն քաղաքներից է։

Փորագրանկարում երկհարկանի տուն է՝ քարե առաջին հարկով և դուրս ցցված փայտե վերնահարկով։ Հեռվում մինարեթ, գմբեթ և լեռներ են երևում։ Փողոցում մարդիկ են, շուն և բեռնված գրաստ։ Ներքևում ռուսերեն մակագրություն կա՝ հեղինակի, գրքի և 1882 թ. նշումով։