Վանի ինքնապաշտպանությունը, 1915

Վանի պաշտպանությունը կազմակերպված էր ռազմական գործի բոլոր կանոններով՝ կառուցվում էին ամրություններ, պատրաստվում էին դիրքեր, գործում էին բոլոր անհրաժեշտ օժանդակ ծառայությունները։ Պաշտպանությունը ղեկավարում էր փորձառու հեղափոխական Արամ Մանուկյանը։

Վանի պաշտպանները մոտ 1500 հոգի էին։ Զենքի և զինամթերքի պակասի պայմաններում նրանք 1915 թվականի ապրիլի 19-ից մինչև մայիսի 18-ը դիմադրեցին մոտ 10 անգամ ավելի մեծաթիվ թուրքերին, մինչև որ քաղաք մտան հայկական կամավորական ջոկատները։ Նրանց հերոսությունը փրկեց ոչ միայն իրենց, այլև վիլայեթի մոտ 40 000 հայ բնակիչների, որոնք ապաստան էին գտել Վանում։

Լուսանկարում զինված տղամարդկանց խումբ է՝ հրացաններով, փամփշտակալներով և մորթե գլխարկներով։