Ուրարտական մեծ պահեստ Քեվենլի ամրոցում

Պատմական Արևմտյան Հայաստանում՝ Վանում, հնագետները հայտնաբերել են Ուրարտուի ամենամեծ հայտնի պահեստը։ 2600 տարվա պատմություն ունեցող Քեվենլի ամրոցում բացվել են սեպագիր արձանագրություններով 76 հսկա կարասներ, որոնցում պահել են հացահատիկ, յուղ և ըմպելիքներ։ Պահեստը թվագրվում է մ.թ.ա. 9–7-րդ դարերով։

Գտնվել են նաև որմնանկարներ, ջրմուղ և առյուծի պատկերով «պալատական խեցեղեն»։ Գտածոն ցույց է տալիս հին Արարատյան թագավորության կազմակերպվածության և տնտեսության բարձր մակարդակը։

Լուսանկարում բլրի վրայի պեղավայրն է. հողից դուրս են երևում մեծ կարասների վերին մասերը, որոնց մոտ աշխատում են չորս մարդ։ Հեռվում բնակավայր է։