Մուհամմեդ մարգարեին վերագրվող փաստաթղթի ընդօրինակություն
Լուսանկարում Մատենադարանում ցուցադրվող փաստաթղթի ընդօրինակությունն է, որը վերագրվում է Մուհամմեդ մարգարեին։ Այն գրված է արաբերեն՝ օսմաներեն գրի տարրերով, և հիշատակում է հայ ժողովրդին։
Աղբյուրի համաձայն՝ 626 թվականին Մուհամմեդ մարգարեն հրովարտակ է արձակել, ըստ որի՝ հայ ժողովրդին չի կարելի վնասել կամ խլել նրա հողերը և կրոնի ազատությունը։ Հրովարտակը Երուսաղեմ է հասցրել նրա մերձավոր զինակից Օմարը (Ումար իբն ալ-Խատաբ)։ Բնօրինակը պահվում է Երուսաղեմի Հայոց պատրիարքարանի արխիվում։
Ցուցափեղկում երկար թղթե փաստաթուղթ է՝ երկու ծայրերից ոլորված, սև և կարմիր թանաքով գրված տողերով։ Կողքի ցուցանակի համաձայն՝ դրանք Մուհամմեդ մարգարեի և Ալի իբն Աբու Տալիբի կողմից հայերին տրված երաշխավորագրերի ընդօրինակություններ են։
