Կոմմագենեի հայ արքային վերագրվող տապանաքար

2019 թ. օգոստոսի 19-ի լրատվական հաղորդման համաձայն՝ Թուրքիայի հյուսիսարևմտյան Բալըքեսիր նահանգում մաքսանենգության դեմ պայքարի ոստիկանությունը երկու մեքենայի խուզարկության ժամանակ բռնագրավել է 2000-ամյա տապանաքար՝ «Կոմմագենեի թագավորության տիրակալ Անտիոքոսի վերջին հանգրվանը» արձանագրությամբ։ Մաքսանենգները պատրաստվում էին այն վաճառել 2 մլն լիրայով (281 000 դոլար)։

Ըստ սկզբնաղբյուրի՝ Կոմմագենեն հելլենիստական շրջանի հայկական թագավորություն էր, իսկ նրա արքաները ծագումով Արտաշեսյան տոհմից էին։ Նեմրութ լեռան գագաթին Անտիոքոս արքայի դամբարան-սրբավայրի ավերակները 1987 թ. ընդգրկվել են ՅՈՒՆԵՍԿՕ-ի համաշխարհային ժառանգության ցանկում։

Նկարում քարե սալ է՝ վերևում մարդկային կերպարների բարձրաքանդակով և դրանց տակ հունարեն տառերով երկտող արձանագրությամբ։ Ներքևում երկու դրամի պատկեր է, որոնք մակագրություններում ներկայացված են որպես Կոմմագենեի Անտիոքոս I-ի և Տիգրան II Մեծի դրամներ։