Սեպտեմբերյան ջարդերի հետևանքները, 1955

Լուսանկարում պատկերված են 1955 թվականի սեպտեմբերին Թուրքիայում հայերի և հույների դեմ կազմակերպված բռնությունների հետևանքները։ Սեպտեմբերի 6-ին և 7-ին Կոստանդնուպոլսում (Ստամբուլ) և Զմյուռնիայում (Իզմիր) տեղի ունեցան զանգվածային ջարդեր, թալան և բռնաբարություններ։

Լուսանկարում երևում է ավերված խանութ, որի ապրանքները թափված են մայթին ու փողոցում։ Փողոցում մարդկանց բազմություն է, վերևում կախված է թուրքական դրոշ։

Աղբյուրի համաձայն՝ երկու օրում ավերվել են 73 եկեղեցի, 2 վանք և 5538 տուն, իսկ 60 կին ենթարկվել է բռնաբարության։ Այս դեպքերը դիտարկվում են որպես թուրքական ազգային պետության ամրապնդման նպատակով պետականորեն հովանավորված գործողություն, որի հետևանքով հայերն ու հույները զանգվածաբար լքեցին երկիրը։