Դեյվիդ Շաքարյան՝ առողջ սննդի ցանցի հիմնադիրը

Դեյվիդ Շաքարյանը ամերիկահայ ձեռնարկատեր էր, ով ստեղծեց առողջ և սպորտային սննդի աշխարհահռչակ «Ջի-Էն-Սի» ընկերությունը։ Ծնվել է 1914 թվականին, երիտասարդ տարիքից օգնել է ընտանիքին, իսկ 1930-ական թվականներին փոքրիկ խանութը վերածել է առողջ սննդի ու վիտամինների վաճառքի ցանցի։ 1941 թվականին Փիթսբուրգում արդեն գործում էր Շաքարյանների 5 խանութ։

1960-ական թվականներին, երբ ԱՄՆ-ում սկսվեց առողջ ապրելակերպի տարածումը, բիզնեսը կտրուկ ընդլայնվեց ամբողջ երկրով մեկ։ 1970-ական թվականներին «Ֆորբս» ամսագիրը նրա կարողությունը գնահատում էր շուրջ 530 միլիոն դոլար։ Նա ներդրումներ էր անում նաև անշարժ գույքում, հատկապես Ֆլորիդայում։ Մահացել է 1984 թվականին։ Այսօր ընկերությունը հազարավոր խանութներ ունի ԱՄՆ-ում և տասնյակ այլ երկրներում։

Լուսանկարում նա գծավոր կոստյումով է և ձեռքում բռնել է յոգուրտի պիտակով շիշ։