1915 թվականին ձերբակալված հայ մտավորականներ

Հայ մտավորականության տեղահանությունը համարվում է 1915 թվականի Հայոց ցեղասպանության սկիզբը։ Այն իրականացվել է ներքին գործերի նախարար Թալեաթ փաշայի հրամանով՝ հայ բնակչությանը առաջնորդներից և դիմադրության հնարավորությունից զրկելու համար։ 1915 թվականի ապրիլի 24-ի գիշերը ձերբակալվեց Կոստանդնուպոլսի 235-ից 270 հայ մտավորականներից բաղկացած առաջին խումբը։

Ավելի ուշ՝ 1915 թվականի մայիսի 29-ին, ձերբակալվածները տեղափոխվեցին Օսմանյան կայսրության այլ վայրեր։ Նրանց մեծ մասը սպանվեց, ողջ մնաց 80-ից ավելի մարդ։ Ընդհանուր գնահատմամբ՝ տեղահանվել է 2345 հայ նշանավոր գործիչ, որոնց մեծ մասը ազգայնական հայացքներ չուներ և որևէ կուսակցության չէր պատկանում։

Պատկերում 1915 թվականին ձերբակալված, աքսորված և սպանված հայ մտավորականներից մի քանիսի դիմանկարներն են՝ տասը դիմանկար երկու շարքով։