Մետաքս պատրաստող հայեր, Խարբերդ, մոտ 1890 թ.

Մետաքս պատրաստող հայ տղամարդկանց և երեխաների գունավորված խմբանկար։ Աղբյուրի համաձայն՝ լուսանկարը, հավանաբար, արվել է Արևմտյան Հայաստանում՝ Խարբերդում, մոտ 1890 թվականին։ Լուսանկարիչը Մելիքյանն է։

Լուսանկարում 9 հոգի են՝ տղամարդիկ, պատանիներ և փոքր երեխաներ, հին պատի առջև։ Ձախ կողմում փայտե շրջանակ է, որից կախված են սպիտակ թելի կծիկներ։ Սպիտակ կծիկներ են կախված նաև աջ կողմի պատից։ Առջևում մրգերով սկուտեղ է։